Tu navegador no está actualizado.
Para tener una mejor experiencia con nuestro sitio, te recomendamos descargar otros navegadores gratuitos ¡Para eso, solo tienes que hacer click en el ícono!
اپنے گھر کو خوبصورت بنانے کا یہ مطلب نہیں کہ آپ اسے فرنیچر اور دیگر مہنگی اشیاء سے بھر دیں، بلکہ اس کے لیے آپ کو گھر کے ہر حصے، خاص طور پر دیواروں پر توجہ دینی ہو گی۔
گھر کی دیوار سجانے کے بہت سارے طریقے ہوتے ہیں مگر اس طریقےکو تلاش کرنا جو کہ آپ کے بجٹ کے مطابق ہو، یہ تھوڑا مشکل کام ہے۔ اسی لیے ہم آپ کے لیے لائیں ہیں 15 ایسے انداز جو کہ آپ کی جیب پر بھاری نہيں ثابت ہوں گے اور آپ کی دیواروں کو نئی زندگی دیں گے۔
آپ میں سے جن لوگوں کو قدرت کے قریب رہنا پسند ہے ان کے لیے یہ انداز بہت بہترین ہے۔ دیوار پر لگے گملے آپ کے پورے کمرے کو بہت تازگی بھرا انداز دیں گے۔
دیوار پر صرف رنگ کرنا ہی کافی نہیں ہوتا بلکہ آپ اسے مزید خوبصورت بنانے کے لیے اس پر مزید نقش ونگار بھی بنا سکتے ہیں۔
دیوار پر ایک بڑا شیشہ لگانے سے آپ کا پورا کمرہ روشن اور خوبصورت لگنے لگتا ہے۔ اس کے لیے آپ انٹیک فریم والے ڈیزائنر شیشے بھی استعمال کر سکتے ہیں۔
اپنے کمرے کی دیوار پر شوخ رنگ کرنے سے بھی آپ اپنے کمرے کو بہت زیادہ پیسے خرچ کیے بغیر خوبصورت اور منفرد انداز دے سکتے ہیں۔
آرٹسٹک انداز کی روشنی کی تنصیبات لگانے سے آپ کی پوری دیوار بہت نمایاں ہو جاۓ گی۔ جس طرح اس تصویر میں ماہرین نے بہت خوبصورت انداز والی روشنی کا استعمال کیا ہے۔
اگر آپ پورے کمرے میں رنگ نہیں کرنا چاہتے تو اس کی جگہ آپ وال پیپر کا استعمال کر سکتے ہیں۔ اس سے ایک بور سا کمرہ بھی خوبصورت لگنے لگے گا۔
اگر آپ اپنے کمرے میں تھوڑا دیہی انداز لانا چاہتے ہیں تو اینٹوں کی ایک تہہ کا اضافہ کرنے سے آپ کو مطلوبہ نتائج حاصل ہو سکتے ہیں۔ ہمارا مشورہ یہ ہے لال اینٹوں کا استعمال کریں۔ ان سے کمرے میں بہت قدرتی تاثر آۓ گا۔
آپ اپنے گھر کی دیواروں کو سجانے کے لیے ان پر شوخ رنگ کرنے کے علاوہ مختلف ٹیکسچر کا بھی استعمال کر سکتے ہیں۔ جیسے کہ اس تصویر میں لہریا انداز کا ٹیکسچر ڈالا گیا ہے۔
دیوار پر لگے ٹائلز کمرے کی سجاوٹ کے لیے ایک اور سستا حل ہے۔ اور آج کل تو مارکیٹ میں یہ بہت زیادہ رنگوں اور انداز میں باآسانی مل جاتے ہیں تو آپ ان میں سے آرام سے اپنے ذوق کے مطابق چناؤ کر لیں۔
اپنے مہمانوں کو اپنے اعلا ذوق سے متاثر کرنے کے لیے اپنے پسندیدہ آرٹ کو دیوار سے لٹکا کر سب کی داد وصول کریں۔
اگر آپ کو بھی فن و فنکاری سے دلچسپی ہے تو آپ بھی اپنے کمرے کے لیے کچھ اسی طرح کی وال ہینگنگ تیار کر سکتے ہیں۔
ایک اور سستا طریقہ یہ ہے کہ آپ بڑے سائز کے دیواری اسٹیکر استعمال کر لیں۔ یہ اسٹیکر پھولوں پودوں کے بھی ہو سکتے ہیں اور پرندوں وغیرہ کے بھی۔
بچوں کے کمرے یا باورچی خانے کی دیوار کو آپ ایک بڑے سے تختہ سیاہ میں بھی بدل سکتے ہیں۔ اس سے آپ کے گھر کو بہت منفرد انداز ملے گا اور آپ کے بچوں کی تخلیقی صلاحیتوں میں بھی اضافہ ہو گا۔
اپنے کمرے کی دیواروں پر ہلکے رنگ کرنے سے نا صرف ان کو بہت جدید انداز ملے گا بلکہ اس سے کمرہ روشن اور کشادہ بھی لگنے لگے گا۔
اگر آپ کے گھر میں بہت ساری تصاویر موجود ایں تو آپ کسی ایک سامنے نظر آنے والی دیوار کو تصویری گیلری بنا کر ادھر ساری تصاور سجا سکتے ہیں۔
